Hanuman Chalisa PDF

Hanuman Chalisa Lyrics in Hindi

श्री हनुमान चालीसा – Hanuman Chalisa Lyrics in Hindi

दोहा :
श्री गुरु चरन सरोज रज, निज मन मुकुरु सुधारि।
Shree Guru Charan Saroj Raj, Nij Man Mukar Sudhari,
बरनऊं रघुबर बिमल जसु, जो दायकु फल चारि।।
Barnau Raghuvar Bimal Jasu, Jo Dayaku Phal Chari

बुद्धिहीन तनु जानिके, सुमिरौं पवन-कुमार।
Buddhiheen Tanu Janike, Sumirow, Pavan Kumar,
बल बुद्धि बिद्या देहु मोहिं, हरहु कलेस बिकार।।
Bal Buddhi Vidya Dehu Mohi, Harahu Kales Bikaar

चौपाई :
जय हनुमान ज्ञान गुन सागर।
Jai Hanuman Gyan Guna Sagar
जय कपीस तिहुँ लोक उजागर।।
Jai Kipis Tihun Lok Ujaagar

रामदूत अतुलित बल धामा।
Ramdoot Atulit Bal Dhamaa,
अंजनि पुत्र पवनसुत नामा।।
Anjani Putra Pavansut Naamaa.

महाबीर बिक्रम बजरंगी।
Mahebeer Bikram Bajrangi,
कुमति निवार सुमति के संगी।।
Kumati Nivaar Sumati Ke Sangi.

कंचन बरन बिराज सुबेसा।
Kanchan Baran Biraaj Subesaa,
कानन कुंडल कुंचित केसा।।
Kaanan Kundal Kunchit Kesa.

हाथ बज्र और ध्वजा बिराजै।
Hath Bajra Aur Dhwaja Birajai,
काँधे मूँज जनेऊ साजै।।
Kaandhe Moonj Janeu Saage.

संकर सुवन केसरी नंदन।
Sankar Suvan Kesri Nandan,
तेज प्रताप महा जग वंदन।।
Tej Pratap Maha Jag Vandan.

विद्यावान गुनी अति चातुर।
Vidyavaan Guni Ati Chaatur,
राम काज करिबे को आतुर।।
Ram Kaaj Karibe Ko Aatur

प्रभु चरित्र सुनिबे को रसिया।
Prabhu Charittra Sunibe Ko Rasiya,
राम लखन सीता मन बसिया।।
Ram Lakhan Sita Man Basiya

सूक्ष्म रूप धरि सियहि दिखावा।
Sukshma Roop Dhari Siyahi Dikhawa,
बिकट रूप धरि लंक जरावा।।
Vikat Roop Dhari Lank Jarawa

भीम रूप धरि असुर संहारे।
Bheem Roop Dhari Asur Sanhare,
रामचंद्र के काज संवारे।।
Ramchandra Ke Kaaj Sanvaare.

लाय सजीवन लखन जियाये।
Laye Sajivan Lakhan Jiyaye,
श्री रघुबीर हरषि उर लाये।।
Shri Raghubir Harashi Ur Laaye.

रघुपति कीन्ही बहुत बड़ाई।
Raghupati Kinhi Bahut Badaai,
तुम मम प्रिय भरतहि सम भाई।।
Tum Mam Priya Bharatahi Sam Bhaai.

सहस बदन तुम्हरो जस गावैं।
Sahas Badan Tumharo Jas Gaavein,
अस कहि श्रीपति कंठ लगावैं।।
Asa Kahi Shripati Kanth Lagaavein.

सनकादिक ब्रह्मादि मुनीसा।
Sankaadik Brahmaadi Muneesa,
नारद सारद सहित अहीसा।।
Narad Saarad Sahit Aheesa

जम कुबेर दिगपाल जहां ते।
Jam Kuber Digpaal Jahaan Te,
कबि कोबिद कहि सके कहां ते।।
Kabhi Kovid Kahin Sake Kahan Te

तुम उपकार सुग्रीवहिं कीन्हा।
Tum Upkar Sugrivahi Keenha,
राम मिलाय राजपद दीन्हा।।
Ram Milaayi Rajpad Deenha

तुम्हरो मंत्र विभीषण माना।
Tumharo Mantra Vibhishan Maana,
लंकेस्वर भए सब जग जाना।।
Lankeshwar Bhaye Sab Jag Jaana.

जुग सहस्र जोजन पर भानू।
Juug Sahastra Jo Jan Par Bhaanu,
लील्यो ताहि मधुर फल जानू।।
Leelyo Taahi Madhur Phal Jaanu

प्रभु मुद्रिका मेलि मुख माहीं।
Prabhu Mudrika Meli Mukh Maaheen,
जलधि लांघि गये अचरज नाहीं।।
Jaladhi Laanghi Gaye Acharaj Naheen.

दुर्गम काज जगत के जेते।
Durgam Kaaj Jagat Ke Jete,
सुगम अनुग्रह तुम्हरे तेते।।
Sugam Anugrah Tumhare Tete.

राम दुआरे तुम रखवारे।
Ram Duwaare Tum Rakhawaare,
होत न आज्ञा बिनु पैसारे।।
Hot Na Aagya Bin Paisaare.

सब सुख लहै तुम्हारी सरना।
Sab Sukh Lahei Tumhari Sarna,
तुम रक्षक काहू को डरना।।
Tum Rakshak Kaahu Ko Darnaa.

आपन तेज सम्हारो आपै।
Aapan Tej Samhaaro Aapei,
तीनों लोक हांक तें कांपै।।
Tanau Lok Haankte Kaanpei

भूत पिशाच निकट नहिं आवै।
Bhoot Pishaach Nikat Nahi Aavei,
महाबीर जब नाम सुनावै।।
Mahabir Jab Naam Sunavei.

नासै रोग हरै सब पीरा।
Naasei Rog Hare Sab Peera,
जपत निरंतर हनुमत बीरा।।
Japat Niranter Hanumat Beera

संकट तें हनुमान छुड़ावै।
Sankat Te Hanuman Chhudaavei,
मन क्रम बचन ध्यान जो लावै।।
Man Kram Vachan Dhyan Jo Laavei.

सब पर राम तपस्वी राजा।
Sub Par Ram Tapasvi Raja,
तिन के काज सकल तुम साजा।
Tinke Kaaj Sakal Tum Saaja

और मनोरथ जो कोई लावै।
Aur Manorath Jo Koi Laavei,
सोइ अमित जीवन फल पावै।।
Soi Amit Jeevan Phal Paave.

चारों जुग परताप तुम्हारा।
Chaaron Jug Partap Tumhara,
है परसिद्ध जगत उजियारा।।
Hai Parsiddha Jagat Ujiyara.

साधु संत के तुम रखवारे।
Sadho Sant Ke Tum Rakhvaare,
असुर निकंदन राम दुलारे।।
Asur Nikandan Ram Dulaare.

अष्ट सिद्धि नौ निधि के दाता।
Ashta Siddhi Nau Nidhi Ke Data,
अस बर दीन जानकी माता।।
Asa Bar Deen Janki Mata.

राम रसायन तुम्हरे पासा।
Ram Rasayan Tumhare Pasa,
सदा रहो रघुपति के दासा।।
Sadaa Raho Raghupati Ke Dasa.

तुम्हरे भजन राम को पावै।
Tumhare Bhajan Ram Ko Paavei.
जनम जनम के दुख बिसरावै।।
Janam Janam Ke Dukh Bisraavei.

अंत काल रघुबर पुर जाई।
Ant Kaal Raghubar Pur Jaai,
जहां जन्म हरि भक्त कहाई।।
Jahan Janm Hari Bhakt Kahaai.

और देवता चित्त न धरई।
Aur Devta Chitt Na Dharai,
हनुमत सेई सर्व सुख करई।।
Hanumant Sei Sarva Sukh Karai

संकट कटै मिटै सब पीरा।
Sankat Katei Mitey Sab Peera,
जो सुमिरै हनुमत बल बीरा।।
Jo Sumirei Hanumat Bal Beera

जय जय जय हनुमान गोसाईं।
Jai Jai Jai Hanuman Gosai
कृपा करहु गुरुदेव की नाई।।
Kripa Karahu Gurudev Ki Naai

जो सत बार पाठ कर कोई।
Jo Sat Baar Paath Kar Koi,
छूटहि बंदि महा सुख होई।।
Chhutahi Bandi Mahasukh Hoi.

जो यह पढ़ै हनुमान चालीसा।
Jo Yah Padhe Hanuman Chalisa,
होय सिद्धि साखी गौरीसा।।
Hoy Siddhi Saakhi Gaurisa

तुलसीदास सदा हरि चेरा।
Tulsidas Sada Hari Chera,
कीजै नाथ हृदय महँ डेरा।।
Keeje Nath Hriday Maha Dera.

दोहा:
पवनतनय संकट हरन, मंगल मूरति रूप।
Pavantanay Sankat Haran, Mangal Murti Roop.
राम लखन सीता सहित, हृदय बसहु सुर भूप।।
Ram Lakhan Sita Sahit, Hriday Basahu Sur Bhoop